Dues jornades un shinhau embromades ena Val d'Aran.

Aué dimèrcles 17 de junhsèga, auram un maitin damb intervaus de bromalhs nauti e mieis, alternadi damb quauques clarulhes. Pera tarde se desvoloparàn bromalhs d'evolucion damb probabilitat mieja-nauta de tronada. Vents fèbles der oèst.
Temperatures agradables (13°/24° en Bausen; 10°/21° en Bagergue).

Eth dijaus 18, serà ua jornada damb bromères enes zònes baishes dera Val, alternades damb quauques clarulhes. Enes parts mès nautes auram solei pendent grana part deth dia. Pas s'escarte bèra fèbla rogina pera tarde
Temperatures en leugèra descenuda (13°/22° en Bausen;10°/19° en Bagergue).

Eth diuendres 19, serà assolelhat e damb ascens de temperatures diürnes (11°/26° en Bausen;9°/23° en Bagergue).