Fin dera òla de calor ena Val d'Aran.

Aué deluns 1 de junhsèga, serà ua jornada assolelhada encara que damb quauques bromères escampilhades en Baish Aran e encara damb un shinhau de calima. Pera tarde apareisheràn bromalhs d'evolucion damb probabilitat baisha de plojat, qu'en cas de produsir-se deisharie un shinhau de hanga.
Se poderie dar per finalizat er episòdi d'òla de calor que mos a acompanhat pendent tota era darrèra setmana, es temperatures tornaràn ara normalitat (14°/25° en Begós; 15°/24° en Gessa).


Eth dimars 2, s'alternaràn bromalhs e clarulhes. Pendent era tarde aumentarà era nivolositat de tipe convectiu damb probabilitat mieja-nauta de tronada.
Es temperatures contunharàn laguens des abituaus entara epòca (15°/24° en Begós; 15°/23° en Gessa).

Eth dimèrcles 3, serà pro assolelhat, encara que pera tarde se tornaràn a formar bromalhs d'evolucion damb probabilitat nauta de plojat.
Temperatures en ascens (15°/28° en Begós; 14°/27° en Gessa).