Deluns embromat e damb quauques rogines. Precaucion entath dimars per precipitacions intenses e fòrça intenses pendent era maitiada e maitin.

Aué deluns 19 d'agost, auram un maitin damb bromères en hons de val e damb quauques fèbles rogines pera condensacion des bromes. enes zònes peth dessús des 2.100 m, i aurà solei enquia miei maitin. Era tarde serà caperada, damb possibilitat de bèt plojat fèble, sustot a darrères ores. Pendent era net es precipitacions s'enfortilharàn. Vents fèbles deth sud.
Temperatures fresques damb ua descenuda de mès de 10°C enes diürnes (14°/19° en Es Bòrdes; 12°/18° en Salardú).

Eth dimars 20, serà ua jornada ena que demanam precaucion, donques qu'auram ua maitiada caperada damb precipitacions intenses; eth maitin contunharà embromat e damb plojats intensi e puntuauments fòrça intensi. Pera tarde anaràn aloishant es ploges e se dauriràn quauques clarulhes. 
Vents de direccion variabla fèbla damb quauqua bohada moderada.
Es temperatures contunharàn fresques (11°/19° en Es Bòrdes; 9°/17° en Salardú).

Eth dimèrcles 21, serà assolelhat encara que damb quauques bromes nautes e primes que embaranaràn un shinhau eth cèu.
Temperatures diürnes en recuperacion (10°/23° en Es Bòrdes; 8°/21° en Salardú).