21/8/19

Jornades tranquilles, damb temperatures diürnes agradables e damb minimes un shinhau fresques.

Aué dimèrcles 21 d'agost, auram un dia damb solei embaranat per quauqui intervaus de bromalhs nauti.
Es temperatures minimes seràn fresques e es maximales agradables (9°/24° en Es Bòrdes; 6°/22° en Salardú).

Eth dijaus 22, serà assolelhat e damb temperatures minimes fresques, es maximales laguens des abituaus entara epòca (10°/26° en Es Bòrdes; 8°/24° en Salardú).

Eth diuendres 23, seguiram damb cèus sereni e temperatures diürnes que contunharàn en ascens (10°/27° en Es Bòrdes; 9°/25° en Salardú).

Entàs activitats d'aguesta dimenjada coma son era Còrsa e Caminada des 15 pòbles e eth Salardú Country Rock Festival, se demore solei e temperatures diürnes nautes, encara qu'eth dimenge pera tarde aumentarie era inestabilitat.