Deluns un shinhau fresc. Dimars e dimèrcles assolelhadi e damb temperatures agradables.

Aué deluns 2 de seteme, auram un maitin damb era tipica bromèra aranesa que deisharà quauqua fèbla rogina. A mesura qu'auance era tarde se lheuaràn es bromes e demoraràn es cèus sereni. Vents loishi deth nòrd.
Temperatures un shinhau per jos des abituaus entara epòca (12°/21° en Arró; 11°/20° en Montcorbau).

Eth dimars 3, serà assolelhat damb quauqui bromalhs nauti escampilhadi e fòrça primi.
Temperatures nocturnes fresques, ath temps que es maximales seràn agradables (8°/24° en Arró; 7°/22° en Montcorbau).

Eth dimèrcles 4 seguirà er ambient assolelhat. Es temperatures diürnes leugèraments peth dessús des abituaus entara epòca (9°/25° en Arró; 8°/23° en Montcorbau).