Dimenjada damb ambient d'ostiu en Aran.

Aué diuendres 13 de seteme, auram un maitin assolelhat. Pera tarde e net apareisheràn quauqui bromalhs nauti e miegi.
Temperatures minimes fresques, diürnes agradables (8°/25° en Vielha; 7°/23° en Salardú).

Eth dissabte 14, pendent eth maitin aurà solei damb bromalhs nauti. Pera tarde se desvoloparàn bromalhs d'evolucion e pas s'escarte bèra fèbla e isolada tronada.
Es temperatures contunharàn peth dessús des normaus entara epòca (10°/26° en Vielha; 9°/24° en Salardú).

Eth dimenge 15, seguirà eth solei embaranat per bromalhs nauti. Pendent era tarde se formaràn bromes convectiues qu'a darrères ores poderien deishar quauque fèble plojat. Vents loishi deth sud.
Temperatures similares ara jornada anterior (10°/26° en Vielha; 9°/24° en Salardú).