Deluns damb tronades de tarde e fèbles nheuades pendent era net en còtes nautes.

Aué deluns 14 d'octobre, auram un maitin assolelhat damb quauqui bromalhs nauti. A compdar de meddia aumentarà era nivolositat e pendent era tarde se produsiràn precipitacions que puntuauments poderien èster en forma de tronada e localaments intenses. Pendent era net contunharàn es precipitacions de forma intermitenta e era còta de nhèu descenerà cap as 2.300 m. Vents moderadi de sud damb quauques bohades fòrtes en zònes nautes.
Es temperatures encara peth dessús des abituaus entara epòca, mès en descenuda pendent era tarde (12°/23° en Vila; 10°/21° en Vilamòs).

Eth dimars 15, pendent era maitiada encara auram quauques precipitacions damb còta de nhèu que se plaçarà en torn as 1.900 m. En transcors deth maitin desapareisheràn es plojats e se dauriràn clars.
Notabla descenuda de temperatures (7°/15° en Vila; 5°/13° en Vilamòs).

Eth dimèrcles 16, peth maitin auram solei damb quauqui bromalhs nauti. Pera tarde aumentarà era nivolositat. Vents fèbles deth sud.
Temperatures minimes fresques; diürnes en ascens e laguens es normaus entara sason (5°/21° en Vila; 4°/19° en Vilamòs).