Estabilitat, solei, quauqui bromalhs nauti e temperatures normaus entara sason.

Aué dimèrcles 16 d'octobre, serà ua jornada assolelhada damb quauqui bromalhs nauti e escampilhadis. Vents loishi deth sud.
Temperatures minimes heiredes, ath temps que es diürnes seràn leugèraments peth dessús des normaus entara epòca (4°/20° en Vila; 3°/18° en Vilamòs).

Eth dijaus 17, auram cèus enteladi per bromalhs nauti e mieis. Vents fèbles deth sud.
Leugèr ascens des temperatures nocturnes, es diürnes seràn similares ara jornada anterior (7°/19° en Vila; 6°/18° en Vilamòs).

Eth diuendres 18, seguiram damb bromalhs de nauti e mieis; a darrères ores pas s'escarte bèra fèbla precipitacion.
Temperatures maximes quauquarren mès fresques (8°/17° en Vila; 7°/15° en Vilamòs).