Deluns damb quauques nheuades peth maitin. Temps mès estable a mesura qu'auance era setmana.

Aué deluns 18 de noveme, auram un maitin caperat damb precipitacions entre fèbles e moderades. Còta de nhèu ath torn des 800 m. Se poderien acumular uns 10 cm en còtes nautes. a compdar deth meddia desapareisheràn es nheuades e pendent era tarde se poderie daurir quauqua clarulha. Vent fèble deth nòrd.
Temperatures heiredes (0°/5° en Begós; -1°/3° en Mont).

Eth dimars 19, serà un dia assolelhat damb quauques bromes escampilhades a prumères ores.
Temperatures minimes en descenuda ath temps que es diürnes seràn mès nautes (-3°/8° en Begós; -4°/6° en Mont).

Eth dimèrcles 20, auram solei damb quauqui intervaus de bromalhs nauti e mieis. Vents fèbles deth sud.
Temperatura minimes heiredes, es maximales que contunharàn en recuperacion (-3°/10° en Begós; -4°/8° en Mont).