Inici de setmana variabla, damb descenuda de temperatures e nheuades fèbles en còtes nautes.

Aué deluns 4 de noveme, auram un maitin deman damb clars alternadi damb quauques bromes baishes. Pera tarde aumentarà era nivolositat e se pòden produsir precipitacions fèbles que pendent era net serien puntuauments moderades. Era còta de nhèu serà ath torn des 2.200 m en tot descéner puntuauments cap as 1.900 m. Vents fèbles deth sud-oest.
Temperatures normaus entara epòca (4°/15° en Gausac; 3°/12° en Bagergue).

Eth dimars 5, serà un shinhau mès embromat encara que se daurirà quauqua clarulha. Se pòden produsir precipitacions fèbles, sustot pendent era tarde, damb ua còta de nhèu que se plaçarà ath torn des 1.600 m.
Temperatures en descenuda (3°/11° en Gausac; 1°/9° en Bagergue).

Eth dimèrcles 6, contunharam damb bromalhs baishi alternadi damb clarulhes e possibilitat de precipitacions fèbles, principauments pendent eth maitin, damb còta de nhèu ath torn des 1.800 m. Vents fèbles deth nòrd-oest.
Es temperatures contunharàn per jos es normaus (4°/10° en Gausac; 2°/8° en Bagergue).