Seguís era variabilitat damb nheuades fèbles, moderades entath dijaus.

Aué dimars 12 de noveme, serà ua jornada damb bromères, alternades damb quauques clarulhes e damb nheuades fèbles e intermitentes peth dessús des 1.300 m. Vents fèbles deth nòrd-oest.
Temperatures heiredes (3°/9° en Les; 0°/6° en Tredòs).

Eth dimèrcles 13, eth maitin serà pro caperat damb quauques precipitacions fèbles e còta de nhèu sus es 1.400 m. Pendent era tarde se dauriràn clars.
Temperatures sense cambis (2°/8° en Les; 0°/5° en Tredòs).

Eth dijaus 14, serà pro embromat damb precipitacions moderades pendent eth maitin e prumères ores dera tarde. Còta de nhèu en torn as 900 m. Acumulacions d'uns 25 cm en Baqueira 2500.
Temperatures un shinhau mès heiredes (1°/7° en Les; -1°/4° en Tredòs).