26/11/19

Solei damb quauquarren de nivolositat e temperatures nautes entà finaus de noveme.

Aué dimars 26 de noveme, serà ua jornada assolelhada damb bromalhs nauti e primi que embaranaràn leugèraments eth cèu. Pendent era net aumentarà era nivolositat e se produsiràn quauqui plojats fèbles damb còta de nhèu ath torn des 2.200 m. Vents fèbles deth sud damb quauqua bohada moderada pendent era tarde.
Temperatures minimes doces, ath temps que es diürnes seràn nautes entara epòca (2°/17° en Canejan; 1°/15° en Arties).

Eth dimèrcles 27, s'alternaràn clars damb bromes escampilhades, qu'a prumères e darrères ores serien un shinuau mès compactes.
Aument des temperatures minimes; es diürnes demoraràn un shinhau mès cuertes qu'era jornada anteriora (4°/14° en Canejan; 2°/12° en Arties).

Eth dijaus 28, auram clarulhes damb nivolositat qu'aumentarà a mesura qu'auance era jornada. Pas s'escarte quauque fèble plojat damb còta de nhèu sus es 2.000m.
Temperatures en descenuda encara que un shinhau peth dessús des abituaus entara epòca (3°/11° en Canejan; 1°/10° en Arties).