Començam era setmana damb cèus variables e temperatures fresques.

Aué deluns 2 deseme, serà ua jornada damb alternancia de clars e bromes a miei vessant. Vents fèbles deth sud.
Temperatures leugèraments per jos des abituaus entara epòca, sustot en zònes nautes (0°/5° en Salardú; -4°/-2° en Baqueira1800).

Eth dimars 3, seguiram damb clarulhes e quauqui intervaus de bromes baishes.
Temperatures similares ara jornada anteriora (-1°/5° en Salardú; -6°/1° en Baqueira1800).

Eth dimèrcles 4, pendent eth maitin auram cèus embaranadi per bromalhs nauti e primi. Pera tarde era nivolositat serà un shinhau mès significativa.
Temperatures en ascens (1°/7° en Salardú; 0°/2° en Baqueira 1800).