Diuendres embromat damb quauques nheuades fèbles. Dimenjada assolelhada.

Era darrèra net mos a deishat de 5 a 10 cm de nhèu naua en Baqueira 2.500.

Aué diuendres 10 de gèr, auram un dia embromat encara que pendent era tarde se dauriràn clarulhes. Se produsiràn precipitacions fèbles, en tot desaparéisher a mesura qu'auance era jornada. Era còta de nhèu se plaçarà ath torn des 1.200 m en tot descéner puntuauments cap as 1.000 m. Acumulacions de 5 a 10 cm en còta 2.500. Vents deth nòrd damb bèra bohada moderada en zònes nautes.
Temperatures en descenuda respecte a jornades anteriores (0°/6° en Arties; -4°/-2° en Baqueira 1800).

Eth dissabte 11, serà ua jornada assolelhada damb brises fèbles deth nòrd.
Temperatures heiredes encara qu'es diürnes en leugèra recuperacion (0°/7° en Arties; -7°/0° en Baqueira 1800).

Eth dimenge 12, tornarà a èster un dia esplendidaments assolelhat.
Es temperatures minimes contunharàn heiredes, ath temps que es maximes contunharàn en leugèr ascens (0°/9° en Arties; -4°/1° en Baqueira 1800).