Dues jornades pro assolelhades. Quauques nheuades eth dijaus pera net.

Aué dimèrcles 8 de gèr, eth maitin serà assolelhat damb quauqui bromalhs nauti que desapareisheràn pendent era tarde.
Temperatures doces damb un shinhau d'inversion termica prumèra ores (1°/10° en Arties; 1°/4° en Baqueira 1800).

Eth dijaus 9, serà un dia assolelhat damb aumentn de nivolositat a darrères ores. Precipitacions entre fèbles e moderades pendent era net; còta de nhèu en tot oscillar entre es 1.200 e es 900 m. Acumulacions de 10 a 15 cm en còtes nautes. Vents fèbles deth sud.
Temperatures doces pendent era jornada e en descenuda pera net (1°/9° en Arties; 0°/4° en Baqueira 1800).

Eth diuendres 10, serà pro caperat encara que se dauriràn clarulhes, sustot pera tarde. Es precipitacions seràn fèbles pendent era maitiada e fòrça fèbles e intermitentes pendent eth dia. Còta de nhèu entre es 900 e es 1.200 m damb acumulacions de 5 a 10 cm en Cap de Baqueira. Vents fèbles deth nòrd.
Acusada descenuda de temperatures (0°/6° en Arties; -5°/0° en Baqueira 1800).