Inici de setmana damb descenuda de temperatures e bèra timida precipitacion.

Aué deluns 17 de hereuèr, auram un maitin damb solei leugeraments embaranat per quauqui bromalhs nauti. Pera tarde aumentarà era nivolositat e se produsiràn precipitacions fòrça fèbles damb còta de nhèu que descenerie des des 1.800 m cap as 1.200 m; se pòt escapar quauque flòc un shinhau per jos. Acumulacions de mens de 5 cm en còtes nautes. Vents fèbles deth nòrd damb quauqua bohada moderada en nautada.
Notabla descenuda de temperatures (7°/11° en Garòs; 2°/6° en Baqueira 1800).

Eth dimars 18, pendent eth maitin s'alternaràn clars damb quauques timides bromes escampilhades, que pera tarde serien quauquarren mès compactes e poderien deishar bèra fòrça fèbla precipitacion.
Es temperatures contunharàn en descenuda (0°/8° en Garòs; -4°/2° en Baqueira 1800).

Eth dimèrcles 19, serà assolelhat damb quauqui intervaus embromadi.
Es temperatures contunharàn leugèraments per jos es abituaus entara epòca (0°/10° en Garòs; -5°/4° en Baqueira 1800).