Aué diuendres 23 d'octobre, auram un maitin pro assolelhat damb quauqui intervaus embromadi, sustot a prumères ores. Pendent era tarde aumentarà era nivolositat, alternada damb clarulhes, e se poderie produsir quauque plojat que serie mès probable era zòna deth Baish Aran e puntuauments en forma de tronada.
Temperatures un shinhau per jos des abituaus entara epòca (10º/15º en Benós; 9º/14º en Gessa).
Eth dissabte 24, serà ua jornada assolelhada damb es temperatures normaus de finau d'octobre (4º/18º en Benós; 3º/17º en Gessa).
Eth dimenge 25, contunharam damb solei e quauqui bromalhs nauti e fòrça escampilhadi. A darrères ores aumentarà era nivolositat e se produsirà bèt plojat pendent era net e maitiada.
Es temperatures contunharàn en tot èster agradabla sustot es diürnes (6º/18º en Benós; 5º/17º en Gessa).
