Aué diuendres 20 de noveme, auram ua jornada pro assolelhada, encara que damb quauques bromes escampilhades, sustot pendent eth maitin. Vents fèbles deth nòrd damb bèra bohada moderada en zònes nautes.
Temperatures heiredes (3º/9º en Es Bòrdes; 2º/8º en Garòs).
Eth dissabte 21, serà un dia esplendidaments assolelhat.
Es temperatures contunharàn heiredes, sustot es nocturnes, que provocaràn era prumèra gelada importanta dera sason en tota era Val (-4º/10º en Es Bòrdes; -4º/9º en Garòs).
Eth dimenge 22, contunharam damb cèus totauments sereni.
Tornaram a auer gelades e es temperatures maximes pujaran leugeraments (-1º/14º en Es Bòrdes; -2º/13º en Garòs).
