Aué diuendres 6 de noveme, serà ua jornada damb solei alternat damb bromalhs de nauti e mieis que embaranaràn eth cèu. I pòt auer quauqua fèbla rogina, sustot a prumères ores e ena zòna mès meridionaus d'Aran. Preséncia de povàs nòrd-african en suspension que se harà mès visible a mesura qu'auance era jornada. Vents d'Espanha que se refortilharàn damb eth pas des ores.
Temperatures diürnes nautes (8º/20º en Casarilh; 7º/19º en Arres).
Eth dissabte 7, serà mès embromat, sustot pendent era tarde. Preséncia de calimes, que provocaràn qu'es ploges que se produsisquen pendent era jornada vagen acompanhades de hanga. Peth maitin, precipitacions entre fèbles e moderades ena zòna mès ath sud e est dera Val, que en torn ath meddia s'esteneràn per tot eth territòri e que seràn, puntuauments, fòrça intenses. Es plojats desapareisheràn pendent era tarde. Vents fòrts deth sud damb quauques bohades fòrça fòrtes, principauments en zònes nautes.
Leugèra descenuda de temperatures, encara peth dessús des abituaus entà mejans de noveme (8º/16º en Casarilh; 7º/15º en Arres).
Eth dimenge 8, serà mès assolelhat damb quauqui bromalhs nauti pendent era tarde. Vents deth sud damb quauqua bohada moderada.
Temperatures similares ara jornada anteriora (5º/17º en Casarilh; 4º/16º en Arres).
