15/10/21

Solei damb quauques bromes nautes e primes e temperatures normaus entà miei octobre.

Contunham damb era estabilitat que ja hè mès de 10 dies que mos acompanhe, e que semble que coma minim seguirà pendent cinc dies mès. Era dimenjada seguiram damb temperatures que seràn agradables ath solei e en tot refresca-se quan se pon.

Aué diuendres 15 d'octobre, auram solei velat per quauques franges de bromalhs nauti e mieis que se haràn mès primes pendent era tarde.
Temperatures minimes baishes, encara que un shinhau mens qu'en jornades anteriores, es diürnes se plaçaràn leugeraments peth dessús des abituaus (4º/20º en Bossòst; 4º/19º en Vilac).

Eth dissabte 16, serà ua jornada totauments assolelhada.
Temperatures diürnes en leugèra descenuda (4º/18º en Bossòst; 3º/17º en Vilac).

Ara fin, eth dimenge 17, contunharam damb solei, sonque plapejat per quauqui bromalhs nauti e fòrça primi.
Temperatures en ascens (6º/21º en Bossòst; 5º/20º en Vilac).