18/2/22

Aué assolelhat e temperatures quasi de primauera. Dissabte damb nivolositat abondiua e quauques nheuades fèbles. Dimenge esplendid.

Aué diuendres 18 de hereuèr, serà ua jornada assolelhada, encara qu'a darrères ores apareisheràn quauques brumes. Ja auançada era net se poderie produsir bèra precipitacion fèbla. Vents loishi deth sud en tot virar a nòrd pera tarde.
Temperatures quasi primaueraus, damb un shinhau d'inversion termica a prumères ores, mès sense gelades (2º/17º en Vielha; 4º/10º en Beret).

Eth dissabte 19, auram nivolositat abondiua damb quauques clarulhes a darrères ores. Precipitacions fèbles, puntuauments moderades, pendent era maitiada e sustot peth maitin. Era còta de nhèu descenerà cap as 800 m. S'acumularàn uns 10 cm en Cap de Baqueira. Vents deth nòrd damb bèra bohada moderada en zònes nautes.
Notabla descenuda de temperatures (-1º/6º en Vielha; -6º/1º en Beret).

Eth dimenge 20, serà assolelhat damb quauqua broma fòrça escampilhada. Vents deth nòrd.
Es temperatures nocturnes contunharàn heiredes e es diürnes en leugèr ascens (-1º/10º en Vielha; -7º/3º en Beret).