4/3/22

Diuendres caperat damb marçolades que deisharien pòc mès de 5 cm de nhèu. Dissabte e dimenge pro embromats, encara que damb quauques clarulhes pendent es maitins.

Aué diuendres 4 de març, serà ua jornada damb nivolositat abondiua. Se produsiràn precipitacions fèbles e discontinues, damb ua còta ath torn des 1.200 m en tot descéner enquia es 1.000 e iclús es 900 m pendent era tarde. Acumulacions de 5 a 10 cm peth dessús des 2.000 m. Vents deth nòrd damb quauqua bohada moderada.
Es temperatures minimes an estat doces, ath temps que es maximes se plaçaràn per jos des abituaus (4º/9º en Es Bòrdes; -2º/2º en Baqueira 1800).


Eth dissabte 5, contunharam damb nivolositat abondiua, encara que damb quauques clarulhes pendent eth maitin. Pera tarde se pòt escapar bet fèble plojat.
Es temperatures seguiràn per jos des normaus entà principis de març (0º/7º en Es Bòrdes; -5º/0º en Baqueira 1800).


Eth dimenge 6, seguirà era preséncia de bromes e bromalhs baishi damb quauques clarulhes intercalades pendent eth maitin. Pera tarde tornarà a auer quauqua possibilitat de precipitacions fèbles.

Temperatures similares ara jornada anterior (0º/6º en Es Bòrdes; -4º/1º en Baqueira 1800).