Aué dijaus 16 de junh, auram solei leugèraments entelat per bromes nautes e calimes provocades peth povàs en suspension. Pera tarde se formaràn bromalhs evolucion. Probabilitat baisha de bategats de cuerta durada, que òc que se produsiràn en vessant sud des Pirenèus. Aument de vent pendent era tarde a causa dera nauta convectivitat.
Temperatures fòrça nautes e umiditat relatiua baisha (16º/33º en Bossòst; 15º/34º en Escunhau).
Eth diuendres 17, contunharam damb predominança deth solei, entrebolit peth povàs en suspension. Encara que pas ei probable non podem escartar que se produsisque quauque borrat de cuerta durada.
Es temperatures encara mès nautes (19º/36º en Bossòst; 18º/35º en Escunhau).
Eth dissabte 18, contunharam damb cèus sereni, més encara preséncia de calima. Se produsirà quauqua bohada moderada de vent pendent era tarde.
Temperatures que tocaràn tet en tot apropar-se a recòrds absoluts e en tot superar eth recòrd de temperatura maxima en un mes de junh (19º/37º en Bossòst; 18º/36º en Escunhau).
Eth dimenge 19, contunharam damb ua situacion similara, encara que damb ua leugèra descenuda de temperatures que de totes formes tornaràn a superar es 30°C.
