Aué diuendres 9 de deseme, eth maitin serà pro assolelhat damb quauque bromalh escampilhat, pera tarde aumentarà era nivolositat. A darrères ores se produsiràn precipitacions damb ua còta de nhèu que començarà enes 1.800 m, en tot descéner pendent era maitiada cap as 1.000 e puntuauments enquia es 900 m. S'acumularàn en torn a 10 cm en còtes nautes. Vents fèbles deth sudoest en tot virar a nòrd pendent era net.
Temperatures un shinhau peth dessús des abituaus (3º/10º en Vielha; 0º/4º en Baqueira1800).
Eth dissabte 10, a prumères ores auram nivolositat abondiua que s'anarà lheuant pendent eth maitin entà deishar-mos un dia pro assolelhat. Vents fèbles deth nòrd.
Notabla descenuda de temperatures ath long dera jornada (-3º/5º en Vielha; -9º/2º en Baqueira 1800).
Eth dimenge 11, serà pro assolelhat damb quauqui intervaus de bromalhs nauti e primi.
Temperatures heiredes damb importanta gelada pendent era maitiada e prumères ores deth maitin (-4º/4º en Vielha; -10º/-1º en Baqueira 1800).
