Aué diuendres 19 de mai, serà ua jornada pro caperada damb possibilitat de precipitacions fèbles e intermitentes, qu'a darrères ores poderien èster un shunhau mès destacables. Era còta de nhèu oscillarà entre es 1.600 e es 1.800 m. Vents deth nòrd damb quauqua bohada moderada en zònes nautes.
Temperatures pro per jos des que serien es abituaus (5°/11° en Bausen; 3°/9° en Vilamòs).
Eth dissabte 20 de mai, contunharam damb nivolositat abondiua. Seguirà era preséncia de precipitacions fèbles e irregulares. Còta de nhèu entre es 1.800 e es 2.000 m. Vents loishi deth nòrd.
Es temperatures contunharàn pro fresques (6°/13° en Bausen; 4°/12° en Vilamòs).
Eth dimenge 21, auram nivolositat alternada damb quauques clarulhes. Seguiràn es plojats intermitenti. Còta de nhèu en tot pujar cap as 2.500 m.
Es temperatures contunharàn en tot èster mès de principis de març que de miei mai (7°/14° en *Bausen; 6°/13° en Vilamòs).
