Aué diuendres 10 de noveme, serà ua jornada pro caperada damb quauques clarulhes esporadiques en hons de val. Possibilitat de plojats fèbles e discontinues damb ua còta de nhèu ath torn des 1.600 m e qu'acumularà mens de 5 cm en còtes nautes. Vents fèbles deth nordoest.
Temperatures normaus entara epòca (5°/9° en Bossòst; 3°/8° en Garòs).
Eth dissabte 11, contunharam damb nivolositat abondiua. Possibilitat de plojats fèbles e dispersi pendent eth maitin e un shinhau mès destacables e continus a compdar de mieja tarde, era còta de nhèu pujarà pro peth dessús des 2.500 m.
Temperatures que se plaçaràn leugèraments peth dessús des normaus entà miei noveme (5°/13° en Bossòst; 3°/12° en Garòs).
Eth dimenge 12, predominará eth solei encara que damb quauqui intervaus de bromes nautes e primes.
Es temperatures contunharàn en ascens (8°/15° en Bossòst; 7°/14° en Garòs).
