Aué diuendres 19 de gèr, serà ua jornada fòrça caperada. Ara fin era borrasca que transcurrís peth centre dera peninsula mos va a afectar de forma anecdotica e més indirecta de çò de previst ager, damb mens precipitacions, de 2 a 4 cm en còtes nautes. Èm just ena termièra entre es dues masses d'aire, causa que provocarà qu'era còta de nhèu varie entre era zòna sud (1.100 m) e eth nòrd (600 m).
Temperatures heiredes sense léu variacion pendent era jornada (0°/2° en Bossòst; -1°/1° en Arres).
Eth dissabte 20, serà fòrça assolelhat damb vents fèbles deth sud pendent era tarde.
Era net serà heireda, ath temps que es temperatures diürnes se recuperaràn (-3°/7° en Bossòst; -5°/5° en Arres).
Eth dimenge 21, seguiram damb cèus sereni. Es temperatures contunharàn en recuperacion (1°/9° en Bossòst; -1°/7° en Arres).
