Diuendres damb calima, temperatures lèu d'estiu e possibilitat de tronades a darrères ores. Dimenjada tranquilla, pro assolelhada e damb temperatures en descens.

Aué diuendres 22 de març, auram un maitin assolelhat damb quauques franges de bromes nautes e fòrça primes. Pera tarde se desvoloparàn bromalhs d'evolucion. Encara preséncie de povàs en suspension que desapareisherà de cara ara dimenjada. Encara qu'era probabilitat ei baisha, pas s'escarte quauqua tronada pendent era tarde, un shinhau mès probable pera net e qu'anarien acompanhades de hanga. Brises doces deth nordoest.
Temperatures lèu d'estiu (8°/23° en Arròs; 6°/21° en Montcorbau).

Eth dissabte 23, a prumères ores auram bromalhs baishi que s'anaràn trincant pendent eth maitin, encara que demoraràn quauques bromes escampilhades. A prumères ores se pòt escapar quauqua gota. Vents fèbles deth nordoest.
Descenuda de temperatures que se plaçaràn a pròp des abituaus entara epòca (5°/14° en Arròs; 3°/12° en Montcorbau).

Eth dimenge 24, serà assolelhat damb preséncia de quauqui bromalhs nauti.
Temperatures en leugèra descenuda (4°/13° en Arròs; 2°/12° en Montcorbau).