Aué diuendres 10 de gèr, auram ua jornada damb solei e quauqui intervaus de bromes nautes e primes; aument dera nivolositat a darrères ores. Precipitacions fèbles de maitiada. Vents loishi de direccion variabla.
Temperatures pro peth dessús des abituaus (4°/15° en Les; 2°/13° en Garòs).
Eth dissabte 11, serà pro embromat damb quauques clarulhes esporadiques. Precipitacions entre fèbles e moderades damb ua còta de nhèu que descenerà des des 2.300 m de maitiada cap as 1.500 pendent eth maitin, 1.200 pera tarde e 800 de net. Acumulacions en torn a 15 cm en Cap de Baqueira. Vents deth nòrd que se haràn notar, damb quauques bohades fòrtes e inlús fòrça fòrtes, que provocaràn Torbeg.
Temperatures en descens, sustot pendent era tarde e net (1°/10° en Les; 0°/8° en *Garòs).
Eth dimenge 12, serà ua jornada assolelhada damb quauque banc de bruma escampilhat a prumères ores. Vents deth nòrd damb quauqua bohada moderada en zònes nautes.
Temperatures heiredes damb gelades notables pendent era maitiada e sensacion de heired incrementada peth vent (5°/15° en Les; 3°/13° en Garòs).
