Aué diuendres 21 de hereuèr, auram ua jornada damb bromalhs nauti e mieis que embaranaràn eth solei e que per moments haràn pèrder era sensacion de relèu en zònes tamb nhèu. Se notarà eth vent deth sud.
Temperatures primaveraus rescauades per aire d'Espanha (6°/19° en Gausac; 3°/17° en Bagergue).
Eth dissabte 22, serà ua jornada fòrça caperada damb precipitacions entre fèbles e moderades. Era còta de nhèu descenerà des des 1700 m cap as 1500 m inclus un shinhau per dejós era maitiada deth dissabte ath dimenge. Se demoren ues acumulacions que poderien superar es 15 cm en Baqueira 2500 e es 10 cm peth dessús dera còta 2000. Vents fèbles deth nòrd.
Notabla descenuda de temperatures que se plaçaràn laguens des que serien es abituaus entà finaus de hereuèr (4°/8° en Gausac; 2°/6° en Bagergue).
Eth dimenge 23, serà ua jornada assolelhada encara que dilhèu damb quauques brumes escampilhades a prumères ores deth maitin. Airolet deth sud.
Temperatures diürnes en recuperacion (3°/13° en Gausac; 1°/11° en Bagergue).
