Aué diuendres 9 de mai, eth maitin serà dominat per moments de clars damb bromes nautes e baishes. En tot avuançar eth dia, se formaràn bromes d’evolucion damb probabilitat mieja de tronades pera tardes que tanben se pòden produsir pendent era net. Era còta de nhèu se situarà ath torn des 2.300 m.
🌡️ Temperatures fresques: 6°/16° en Betlan | 4°/14° en Unha.
Eth dissabte 10, eth maitin serà barrejat de clars e bromes. Dempús de miei dia, era nubolositat aumentarà damb formacion de cúmuls. Se pòden produsir tronades intermitentes pendent tota era jornada, mès probables pera tarde. Ventet deth sud.
🌡️ Temperatures que, pendent un dia, se plaçaràn laguens des abituaus entath miei de mai: 7°/20° en Betlan | 6°/18° en Unha.
Eth dimenge 11, auram fòrça nubolositat, totun damb quauques clarulhes, sustot pendent eth maitin. Es tronades seràn mès probables e continuades qu’era jornada anteriora, especiaument pera tarde.
🌡️ Temperatures en en tot tornar a descener: 7°/15° en Betlan | 6°/14° en Unha.
