Diuendres 30 de mai:
Jornada majoritariament assolelhada, damb preséncia de cumuls des de finau deth maitin e que seràn un shinhau mès abondius pendent era tarde. A darrères ores arribarà calima (povàs en suspension), qu'empejorarà era qualitat der aire. Ambient shut. Pas s'escarte quauqua tronada puntuau e de cuerta durada pendent era net e qu'anarie acompanhada de hanga.
🌡️ Temperatures fòrça nautes entà finaus de mai: 13°C / 30°C en Bausen · 11°C / 29°C en Tredòs.
Dissabte 31 de mai
Seguiram damb ambient caud. Des de miei maitin se formaràn cumuls, en tot alternar-se damb intervaus de bromes nautes e prime. Persistirà era calima. Pendent era tarde e era net i a possibilitat de tronades intermitentes, encara que pas fòrça generalisades e pas massa probables.
🌡️ Fòrça leugèra descenuda de temperatures lèu inapreciable : 15°C / 28°C en *Bausen · 14°C / 27°C en Tredòs.
Dimenge 1 de junh
Dia semblat ar anterior, damb calima e cèu mès lèu treble. S'alternaràn estones de solei damb cumuls en aument pera tarde. I a possibilitat de quauques tronades pera tarde e net. Vents fèbles de compausant variable
🌡️ Es temperatures contunharàn en tot èster nautes, encara que un shinhaun mès moderades: 14°C / 26°C en *Bausen · 13°C / 25°C en Tredòs.
