Era massa d'aire caud seguirà ath dessús dera Val d’Aran, en tot mantier es temperatures fòrça peth dessús de çò d'abituau entara epòca. Eth povàs en suspension d'origin sahariana contunharà en tot entrebolir eth cèu. Es tardes seràn mercades per bromalhs d'evolucion e possibilitat de quauqua tronada shuta que puntuauments poderie deishar bèra gota acompanhada de hanga.
Diuendres 8 d'agost:
Cèus enterbolidi pera calima pendent tota era jornada. Pera tarde creisheràn bromalhs d'evolucion damb probabilitat baisha (10 %) de borrats fòrça localizats un shinhau mès probables en vessant sud des Pirenèus e ena zòna mès orientau dera val. Temperatures fòrça nautes 🌡️ 17 °C / 34 °C en Les · 17 °C / 34 °C en Vielha
Dissabte 9 d'agost:
Situacion similar: calor fòrça acusat, calima persistent, umiditat relativa baisha e cúmuls pera tarde. Risc baish (10 %) de borrat locau. Temperatures sense canvis. 🌡️ 18 °C / 34 °C en Les · 17 °C / 34 °C en Vielha
Dimenge 10 d'agost:
Cèus encara enterbolidi. Des deth maitin creisheràn bromalhs d'evolucion, mès actius pera tarde, damb probabilitat baisha (30 %) de tronades isolades que poderien descargar acompanhades de hanga. Es temperatures contunharàn en tot èster fòrça nautes. 🌡️ 17 °C / 34 °C en Les · 16 °C / 33 °C en Vielha.
