Diuendres 27 de març
Maitin damb quauques bromes baishes baishes e clars que s'anaràn imposant. Pera tarde ambient pro assolelhat, encara damb rèstes disperses de nivolositat baisha. Vents deth nòrd damb quauqua bohada moderada en zònes nautes.
Temperatures per jos es abituaus
Arró: 🌡️ 2 °C / 8 °C
Arties: 🌡️ 0 °C / 7 °C
Dissabte 28 de març
Era jornada desvelharà damb quauques clarulhes que se corbiràn rapidaments, era tarde serà caperada e apareisheràn es prumères nheuades (còta 1.300 - 1.100 m) damb acumulacions de ath torn de 5 cm en còtes nautes. Era net serà fòrça complicada: se demoren nheuades intenses damb ua còta que se desplomará enquias 300 m, en tot acumular ath torn de 15 cm addicionaus peth dessús des 2.000 m e acompanhada de vent fòrt deth nòrd damb quauques bohades fòrça intenses que provocaràn torbeig.
Temperatures en descens, sustot a darrères ores.
Arró: 🌡️ 0 °C / 7 °C
Arties: 🌡️ -1 °C / 6 °C
Dimenge 29 de març
Serà ua jornada de rigorós iuèrn damb nheuades en totes es còtes e vent fòrt pendent eth maitin, en tot deishar un shinhau mès de 5 cm de nhèu naua e damb fòrtes torbères. Pera tarde contunharà en tot nheuar damb ua còta de 600 m e acumulacions d'ath torn de 5 cm més. Pera net es nheuades remeteràn.
Vents deth nòrd damb quauques bohades fòrça fòrtes, principauments pendent eth maitin.
Temperatures pleaments iuernaus e que damb eth vent deisharàn ua sensacion de heired fòrça intensa.
Arró: 🌡️ -1 °C / 3 °C
Arties: 🌡️ -3 °C / 2 °C
