Diuendres 15 de mai
Jornada noin guaire agradable e pro caperada, encara que damb quauqua uelhada de solei. Eth maitin arribarà damb precipitacions fèbles e nhèu a compdar des 1.300 m. Pera tarde aumentarà era intensitat damb plojats e inclús bèra tronada e còta de nhèu en tot pujar leugèraments cap as 1.400 m. Pera net era còta de nhèu queirà enquias 900 m encara que damb plojats mès irregulars qu'anaràn a mens damb eth pas des ores. Se pòden arribar a acumular enquia 10 cm en còta 2.500. Vents deth nordoest damb quauqua puntuau bohada moderada.
Temperatures heiredes quasi iuernaus.
🌡️ Begós: 4° / 8°
🌡️ Arres: 3° / 7°
Dissabte 16 de mai
Contunharam damb cèus pro caperadi encara que damb mès claris qu'era jornada anterior. Se pòt escapar quauque plojat isolat, encara que mens probable qu'era jornada anterior e que serie en forma de nhèu a compdar des 1.400 m, en tot pujar pera tarde enquias 1.800 m, senhau clara dera retirada der aire mès heired. Vents fèbles deth nòrd.
Es temperatures maximes contunharàn baishes entara epòca encara que recupèren quauquarren de terren, es minimes contunharàn en tot èster fòrça baishes, e en tot arribar a gelar pendent era net en quauqui pòbles d'Aran.
🌡️ Begós: 2° / 11°
🌡️ Arres: 0° / 10°
Dimenge 17 de mai
Era milhoria s'assolide pendent eth maitin que serà mès assolelhat e damb intervaus de bromalhs baishi. Era tarde serà mès caperadaa e era probabilitat de plojat se plaçarà en 70%, en tot plaçar-se era còta de nhèu peth dessús des 2000 m.
Es temperatures recupèren de forma notable.
🌡️ Begós: 5° / 15°
🌡️ Arres: 3° / 13°
