Diuendres 7 d'agost
Tendéncia ara recuperacion termica, en tot tornar a valors superiores as 30 °C. Pendent eth maitin auram solei encara que damb preséncia de cúmuls dispersi a compdar de miei maitin. De cara ara tarde creisheràn damb mès fòrca es bromalhs d'evolucion damb ua probabilitat fòrça baisha de quauque rampilh tempestós isolat. Airolet fèble de direccion variable.
Es temperatures maximes pujaràn de forma clara, en tot tornar a valors peth dessús des abituaus entara epòca.
🌡️ Les: 18 °C / 30 °C
🌡️ Vielha: 17 °C / 29 °C
Dissabte 8 d'agost
Era dimenjada començarà damb un nau repós dera calor e major inestabilitat pera tarde. Peth maitin auram solei e intervaus de cúmuls. A compdar deth meddia era convección guanharà fòrça, damb eth desvolopament de bromalhs d'evolucion qu'aumentaràn era probabilitat de plojats enquia eth 60% e qu'anarien acompanhadi d'aparelh electric. Pendent era net se mantierà cèrta inestabilitat residuau. Vents fèbles deth sud.
Es temperatures diürnes contunharàn en tot èster caluroses.
🌡️ Les: 16 °C / 32 °C
🌡️ Vielha: 15 °C / 31 °C
Dimenge 9 d'agost
Se mantierà eth caumàs e s'enregistrarà era entrada de povàs en suspension. Pendent eth maitin eth solei se combinarà de nau damb cúmuls dispersi. Pera tarde tornaràn a créisher bromalhs d'evolucion, en tot deishar ua probabilitat de 40% de tronada e començaram a notar era calima. De cara ara net persutarà era possibilitat, encara que fòrça baisha, de plojats residuaus qu'en cas de produsir-se deisharien hanga. Vents deth sud que seràn un shinhau mès perceptibles.
Es temperatures se mantieràn anautites similares ara jornada anterior.
🌡️ Les: 16 °C / 32 °C
🌡️ Vielha: 15 °C / 31 °C
