Diuendres 16 d'octobre
Jornada damb ambient doç pendent es ores centraus. Eth maitin començarà damb un solei radiant. A compdar deth meddia se formaràn bromalhs d'evolucion acompanhadi de quauque bromalh baish que corbiràn gradualment eth cèu cap ara tarde. Pendent era net se poderie produsir quauqua precipitacion fèbla. Vents loishi a moderadi damb virament ath nòrd.
Es temperatures maximales artenheràn valors superiores as abituaus entara epoca.
🌡️ Bausen: 9 °C / 22 °C
🌡️ Vilamòs: 8 °C / 21 °C
Dissabte 17 d'octobre
Era tardor harà acte de preséncia damb ambient mès fresc e aument dera inestabilitat a darrères ores. Pendent eth maitin abundarà era nivolositat damb baisha probabilitat de precipitacions fèbles e intermitentes. A darrères ores dera tarde es ploges guanharàn intensitat e regularitat. De cara ara net persistirà er ambient corbit damb precipitacions intermitentes e era còta de nhèu que baisharà des 2.500 metres iniciaus enquia plaçar-se en entorn des 1.900 metres. Vents fèbles de compausant nòrd.
Acusada descenuda des temperatures maximales que deisharàn un ambient mès que fresc
🌡️ Bausen: 8 °C / 14 °C
🌡️ Vilamòs: 7 °C / 13 °C
Dimenge 18 d'octobre
Jornada heireda e un shinhau impredecible. Pendent eth maitin es cèus demoraràn corbidi damb precipitacions a prumères ores e era còta de nhèu sus es 1.800 metres, en tot deishar es caps des montanhes blanqueajadi. A compdar dera tarde es ploges remeteràn , encara que persistirà quauque pojim residuau jos un cèu que començarà a daurir quauque clar escampilhat. Vents loishi deth nòrd.
Es temperatures sofriràn ua naua descenuda de matís iuernau.
🌡️ Bausen: 6 °C / 10 °C
🌡️ Vilamòs: 5 °C / 9 °C
