Dissabte tamb calor, dimenge damb fòrta descenuda de temperatures.

Aué dissabte 11 de març, serà ua jornada assolelhada damb quauques bromaess nauti. Pera net aumentarà era nivolositat e pas s'escarte quauque fèble plojat.
Darrèr dia damb temperatures quasi d'ostiu (5º/24º en hons de val; 5º/12º en còta 2000).

Eth dimenge auram un maitin damb solei e intervaus de brumes. Pera tarde aumentarà era nivolositat e se produsiràn quauques precipitacions fèbles damb còta de nhèu enes 1800m en tot descéner as 1300 m. Pendent era net es precipitacions seràn puntuauments moderades e era còta descenerà as 900 m. Acumulacions de 10 a 15 cm en còtes nautes. Vents doci damb quauqua bohada moderada de direccion nòrd.
Fòrta descenuda de temperatures (5°/11° en hons de val; 0°/4° en còta 2.000).

Eth deluns serà ua jornada embromada tamb precipitacions fèbles e còta de nhèu enes 1.200 m pendent eth maitin, pujant as 1.800 m pera tarde. Acumulacions de 5 a 10 cm en còta 2500. Vents moderadi de direccion nòrd.
Temperatures heiredes (1º/8º en hons de val; -4º/-1º en còta 2.000).