Diuendres variable, dissabte iuernau, dimenge assolelhat.

Aué diuendres 30 de març, auram ua jornada damb alternancia de clari e bromes. Pas s'escarte que se produsisque quauqu'ua fòrça fèbla precipitacion, damb còta de nhèu ath torn des 1200 m, en tot descéner puntuauments as 800 m.
Vents deth sud-oest, damb quauques bohades moderades en còtes nautes.
Temperatures normaus entara epòca (5°/13° en Bossòst; -2°/1° en Beret).

Eth dissabte 31, serà pro embromat, encara que se dauriràn quauqui clari. Precipitacions fèbles e intermitentes, encara que puntuauments e sustot pendent eth maitin seràn moderades. Còta de nhèu sus es 700 m. Acumulacions de 10 a 15 cm en còtes nautes de Baqueira.
Vents moderadi de nòrd-oeste damb quauqua bohada fòrta en zònes nautes.
Temperatures diürnes en descenuda (2°/8° en hons de Val; -6°/-5° en còta 2.000).

Eth dimenge 1 d'abriu, va a èster ua fòrça bona oportunitat de dar comiat era sason, damb ua jornada que serà pro assolelhada tan solet guarnida damb quauques bromes nautes e primes.
Temperatures maximales en ascens (0°/15° en hons de Val; -9°/2° en còta 2.000).

En çò que tanh as processions de Bossòst: entara deth maitin se demore alternancia de clari e bromes e pas s'escarte quauqua fòrça fèbla precipitacion. Per contra era dera net semble que se va a poder hèr-se sense risc de ploja.