Auanç dera prevision entara dimenjada.

Eth diuendres 27, auram ua jornada pro embromada damb precipitacions moderades en vessant sud dera Val e quauquarren mès fèbles e intermitentes a mesura que mos desplacem cap ath nòrd. Còta de nhèu ath torn des 1.500 m.

Pendent eth maitin auram vents moderadi de Espanha damb bohades fòrtes e fòrça fòrtes de en vessants exposadi e en cims.

Temperatures en ascens pera accion deth vent deth sud (-0ºC / 10ºC en hons de val).
(-3ºC / -1ºC en còta 2.000).

Eth dissabte 28, pendent eth maitin auram nivolositat abondiua damb quauques precipitacions fèbles, puntuauments moderades. Pera tarde anaràn arturan-se es precipitacions e se dauriràn quauqui clari. Còta de nhèu ath torn des 1.100 m

Temperatures diürnes en leugèra descenuda (1ºC / 6ºC en hons de val) (-4ºC / -3ºC en còta 2.000)

Eth dimenge 29, serà ua jornada damb bromes nautes que velaràn quauquarren eth solei e la boçaràn entièraments en quauqui moments.

Es temperatures seràn similares ara jornada anteriora (-1ºC / 7ºC en hons de val) 

(-5ºC / 1ºC en còta 2.000).