Pera net es precipitacions seràn entre fèbles e moderades e era còta de nhèu descenerà cap as 1100 m.
Vents fòrti d'Espanha pendent eth maitin en tot provocar efècte Foehn, aluishant pera tarde e en tot cambiar a direccion nòrd pendent era net.
Temperatures rescauades peth vent deth sud, sustot en còtes baishes (0°/10° en hons de val). (-5°/-1° en còta 2.000).
Eth dissabte, pendent era maitiada e eth maitin, auram pro nivolositat damb quauques precipitacions fèbles, puntuauments moderades; còta de nhèu ath torn des 1100 m. Pera tarde se dauriràn quauqui clari.
Temperatures diürnes que demoraràn un shinhau mès cuertes (1°/6° en hons de val). (-4°/-3° en còta 2.000).
Eth dimenge auram solei alternat tamb bromes nautes que velaràn un shinhau eth solei e en quauqui moments puntuaus la pòden arribar a caperar entièraments.
Temperatures maximales en leugèr ascens (1°/7° en hons de val). (-6°/2° en còta 2.000).
