Era prumèra nheuada importanta dera sason

Aué dimars 10 de gèr serà ua jornada iuernau damb nivolositat abondiua e precipitacions moderades e puntuauments intenses. Era còta de nhèu se plaçarà entre es 800 - 900 m. Acumulacions de mès de 50 cm en còta 2.500 de Baqueira e mès de 30 cm en Bagergue 1.419 m.
A compdar deth meddia, vents moderadi de compausant noroest tamb quauqua bohada fòrta sustot en nautada.
Temperatures en hons de val (0°/4°). En còta 1.800 (-5°/-2).

Eth dimèrcles serà embromat tamb precipitacions moderades pendent era maitiada; còta de nhèu ath torn des 1.000 m. Es nheuades S'afebliràn pendent eth maitin e en tot pujar de còta cap as 1.500 m. Pendent era maitiada se poderien acumular d'auti 20 cm en còta 2.500.
Temperatures en leugèr ascens (1°/6°).

Eth dijaus serà pro assolelhat pendent eth maitin, tamb quauqui intervaus de brumes. A darrères ores aumentarà era nivolositat e se poderie produsir quauqua fèble precipitacion tamb còta de nhèu sus es 1800 m que descenerà pendent era maitiada.
Temperatures en ascens (2°/10°).