2/2/17

Auanç prevision entara dimenjada

Eth diuendres 3 de hereuèr, serà ua jornada pro embromada, encara que tamb quauqui clari pendent eth maitin. Pera tarde e net, se pòden produsir quauques fèbles precipitacions damb còta de nhèu ath torn des 1.600 m. A prumères e darrères ores auram vents moderadi damb bohades fòrtes e fòrça fòrtes de direccion suroest en vessants exposadi e en cims.
Temperatures nautes entara epòca (2ºC/12ºC en hons de val). (-4ºC/0ºC en còta 2.000).

Eth dissabte 4, Seguiram damb nivolositat abondiua encara que peth maitin se dauriràn quauqui clari. Pera tarde se produsiràn quauqui plojats fèbles que puntuauments poderien èster moderadi. Còta de nhèu ath torn des 1.700 m. Se poderien acumular de 5 a 10 cm en Cap de Vaquèira.
Temperatures encara nautes entàs dates en que mos trapam (4ºC/11ºC en hons de val) (-4ºC/-1ºC en còta 2.000).

Eth dimenge 5, contunharàn es cèus embromadi tamb precipitacions fèbles a prumères ores e que se tornaràn moderades a mesura qu'auance era jornada. Còta de nhèu enes 900 m pendent eth maitin, en tot descéner cap as 500 pera tarde. Se poderien acumular mès de 20 cm en còtes nautes. Vents fòrti de Noroest pendent era tarde e net, sustot en zònes nautes.
Temperatures en descenuda (3ºC/8ºC en hons de val) (-3ºC/-8ºC en còta 2.000).