3/2/17

Dimenjada variable ena Val d'Aran

Aué diuendres 3 de hereuèr, auram ua jornada damb quauqui clari pendent eth maitin e nivolositat abondiua eth rèste dera jornada. Pendent era tarde e net, se pòden produsir quauques fèbles precipitacions damb còta de nhèu ath torn des 1.600 m,. A prumères e darrères ores auram vents moderadi damb bohades fòrtes de cogant e suroest en zònes nautes.
Temperatures nautes entara epòca (2ºC/12ºC en hons de val). (-4ºC/0ºC en còta 2.000).

Eth dissabte 4, seguiram damb nivolositat abondiua encara que peth maitin e prumères ores dera tarde se dauriràn quauqui clari. Pera tarde se produsiràn quauqui plojats fèbles que puntuauments poderien èster moderadi. Còta de nhèu ath torn des 1.700 m. Se poderien acumular de 5 a 10 cm en Cap de Vaquèira.
Temperatures encara nautes entàs dates en que mos trapam (4ºC/11ºC en hons de val) (-4ºC/-1ºC en còta 2.000).

Eth dimenge 5, contunharàn es cèus embromadi tamb precipitacions fèbles a prumères ores e que se tornaràn moderades a mesura qu'auance era jornada. Còta de nhèu enes 1.800 m pendent era maitiada e maitin, en tot descéner cap as 1.000 m a meddia e a 600 m pera tarde-net. Se poderien acumular mès de 20 cm en còtes nautes. Vents fòrti de cogant e noroest pendent era tarde e net, sustot en zònes anautites.
Temperatures en descenuda (3ºC/8ºC en hons de val) (-2ºC/-8ºC en còta 2.000).