5/2/17

Dimenje embromat e tamb nheuades en Aran

Aué dimenge 5 de gèr serà ua jornada embromada tamb quauqui clari pendent eth maitin e ath torn de meddia. 
Precipitacions entre fèbles e moderades pendent eth maitin e de moderades a intenses a compdar de meddia. Còta de nhèu enes 1200 m a prumères ores en tot descéner pendent era jornada enquia plaçar-se enes 700 m. Acumulacions que superaràn es 30 cm en còta 1800 e es 10 cm ath torn de còta 1000.
Vents que se refortilharàn a mesura qu'auance era jornada en tot èster fòrti tamb bohades fòrça fòrtes de compausanta noroest pendent era tarde e net.
Temperatures en descenuda ath long dera jornada (3°/7° en hons de val). (-7°/1° en còta 2.000).

Eth deluns seguiram damb nivolositat abondiua e quauques precipitacions moderades pendent era maitiada e fèbles e intermitentes pendent eth rèste dera jornada. Còta de nhèu enes 600 m pendent era net, en tot pujar pendent era jornada cap as 1900 m. Vents fòrti de compausant nòrd en zònes nautes.
Temperatures en descenuda (1°/5° en hons de val).

Eth dimars seguiram damb cèus caperadi e quauques precipitacions que pendent era tarde e net poderien èster moderades damb còta de nhèu enes 1500 m.
Leugèra pujada des temperatures (4°/8°).