Dues jornades embromades e tamb precipitacions en Aran.

Aué dimars 7 de hereuèr, auram ua jornada embromada, encara que non s'escarte quauque clar esporadic, precipitacions entre fèbles e moderades. Còta de nhèu sus es 1800 m pendent eth maitin; en tot descéner pera tarde cap as 1300 e pera net as 700 m. Acumulacions d'entre 15 cm a 20 cm en còtes nautes. Vents fèbles de direccion nòrd.
Temperatures doces encara qu'en tot descéner a darrères ores (2°/8°).

Eth dimèrcles seguiram damb nivolositat abondiua que se trincarà a darrères ores. Precipitacions moderades pendent era maitiada, en tot amendrir d'intensitat pendent era jornada e en tot desaparéisher a darrères ores. Còta de nhèu ath torn des 600 m. Acumulacions d'entre 10 a 15 cm en còtes nautes. Vents moderadi de compausant noroest.
Temperatures en descenuda (0°/4°).

Eth dijaus, ara fin auram ua jornada pleaments assolelhada, que promet èster era milhor dera sason entara practica der esquí e es espòrts de montanha.
Temperatures en descenuda (-2°/3°).