2/3/17

Dijaus en cauma, cambis entath diuendres a darrères ores.

Aué dijaus 2 de març, serà ua jornada assolelhada damb quauques bromes nautes que entelaràn un shinhau eth cèu. A darrères ores poderien aparéisher quauques brumes escampilhadess. Pera tarde, vents doci deth sud, tamb quauqua bohda moderada.
Temperatures nocturnes fresques e diürnes agradables (1º/15º).

Eth diuendres seguiram damb solei, encara que tamb cèu un shinhau embaranat per bromes nautes. Pera net aumentarà era nivolositat e se produsiràn precipitacions entre moderades e intenses tamb còta de nhèu enes 1500 m en tot descéner as 800 m pendent era maitiada. Acumulacions de 15 cm a 20 cm en còtes nautes. 
Vents fòrts damb quauqua bohada fòrça fòrta pendent era tarde e sustot en còtes nautes.
Temperatures doces pendent era jornada e en tot descéner rapidaments pera net (5°/16°).

Eth dissabte serà fòrça embromat mès tamb quauqui clari pendent eth maitin. Precipitacions pendent era maitiada e pera tarde damb còta de nhèu ath torn des 800 m. Acumulacions d'entre 10 cm a 15 cm en còta 2500. Vents moderadi de direccion variable.
Acusada descenuda de temperatures (0°/6°).

Aguesta tarde vos auançaram era prediccion entà tota era dimenjada.