Diuendres tamb nheuades intenses pendent era maitiada entà un "Powder Saturday"

Aué diuendres 3 de març, auram un maitin e prumères ores dera tarde damb solei e bromes nautes pro espesses e qu'arribaràn a embaranar per complèt eth cèu en quauqui moments, en tot provocar pèrta dera sensacion de relèu ena nhèu. A darrères ores aumentarà era nivolositat e pendent era net e era maitiada se produsiràn nheuades fòrça intenses que començaràn en còta 1.300, en tot descéner pendent era maitiada cap as 700 m. Acumulacions de 20 a 30 cm en còta 2.500. En vessant sud es acumulacions seràn superiores.
Pendent era tarde, vents de compausant sud fòrt damb bohades fòrça fòrtes en zònes nautes encara qu'en tot descéner puntuauments a hons de val.
Temperatures doces que desceneràn rapidaments pendent era net (5°C / 17ºC en còta 1.000) (0ºC / 3ºC en còta 2.000).

Eth dissabte 4 serà ua jornada variabla damb quauqui clari pendent eth maitin e quauqua fèbla nheuada. Pera tarde aumentarà era nivolositat tamb nheuades entre fèbles e moderades. Còta de nhèu ath torn des 800 m. Acumulacions d'entre 10 a 15 cm e Cap de Baqueira.
Vents moderadi damb quauques bohades fòrtes e de direccion variabla.
Temperatures heiredes, encara que normaus entara epòca (-1°C / 8ºC en còta 1.000) (-7ºC / -3ºC en còta 2.000).

Eth dimenge 5 auram quauqui clari pendent eth maitin. Pera tarde, aumentacion transitoria dera nivolositat damb quauques precipitacions fèbles, puntuauments moderades e còta de nhèu ath torn des 1.700 m.
Temperatures en leugèr ascens (0°C / 10ºC en còta 1.000) (-3ºC / 0ºC en còta 2.000).