Dijaus e diuendres pro assolelhadi. Cambis entara dimenjada

Aué dijaus 4 de gèr, serà ua jornada pro assolelhada, encara que tamb bères bromes escampilhades a prumères ores e quauqui bromalhs nauti que embaranaran eth solei pendent eth dia.
Temperatures doces entath mes de gèr (5°/17° en hons de Val; 2°/4° en còta 2.000).

Eth diuendres 5 serà un dia esplendidaments assolelhat, tamb vents doci de direccion sud-oest.
Temperatures en leugèra descenuda (3°/13° en hons de Val; 0°/3° en còta 2.000).

En çò que tanh ath dissabte 6: existís un shinhau d'incertitud entre modèls meteorologics, sus a on se plaçarà eth centre des baishes pressions, calerà èster fòrça atenti ara evolucion.
Peth moment semble que serà ua jornada embromada tamb precipitacions intenses. Còta de nhèu pendent era maitiada enes 1500 m en tot descéner pendent eth maitin as 900 m e a totes es còtes a compdar de meddia. Acumulacions que poderien superar es 50 cm en còtes nautes
Temperatures en descenuda a mesura qu'auance era jornada (1°/5° en hons de Val; -7°/-2° en còta 2000).

A causa dera fauta de certitud dera prevision entath dissabte, vos informam que se i auesse quauque cambiament, realizaríem un bulletin extraordinari aguesta tarde.