Temperatures doces en Aran

Aué dimèrcles 3 de gèr, auram un maitin damb nivolositat abondiua, quauqui clari e precipitacions fèbles, tamb còta de nhèu sus es 2500 m. Pera tarde persistiràn es bromes baishes, mès se dauriràn bèri clari mès e desapareisheràn es precipitacions. Vents deth nòrd-oest tamb quauques bohades moderades en zònes anautites.
Temperatures doces entara epòca der an (5°/13° en hons de Val; 2°/4° en còta 2.000).

Eth dijaus 4 pendent era maitiada e prumères ores deth maitin auram quauques brumes escampilhades; eth dia serà pro assolelhat damb quauqui intervaus de bromes nautes qué embaranaran un shinhau eth solei.
Temperatura similara ara jornada anteriora (6°/14° en hons de Val; 3°/5° en còta 2.000).

Eth diuendres 5 serà assolelhat tamb quauques bromes nautes e primes.
Temperatures en leugèra descenuda (4°/13° en hons de Val; 0°/3° en còta 2.000).